Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Serragerayîya Derrbeya faşîste ya 12ê Îlone ya

 

 

Derrbeya 12’ê Îlone ser ra 40 serrîy derbas bîy.

Na derrbeya faşîste, di tirkîya de bîy sebebê xeylê vûrîyayişê civatîyan.

Di heme wareyan de zirarêko pîl ro civatanê tirkîya da.

Verîya 12’ê Îlone di Tirkîya de çalakîyê civatî êy waşteka demokrasîyî vecîyabîy astêke.

Hereketê Karkeran xeylê çalak û verva faşîzmî di mîyanê tekoşîne de bîy.

Serra 1976’ine ra dime 1’ê Gulane Meydanê Teqsîmî de ameyê firazkerdene.

Di heman wextî de Têgêrayişê Azadîye yê Şarê Kurdî, bi awayêko cîya xo birayvistin kerdê.

Vakûrê Kurdistanî de xeylê rayvistin û partîyê sîyasî di mîyanê civatî de eysaye bibîy.

Têgêrayişê Azadîya Kurdan bi nameyê “Apocîyan”,teşe girewtê.

Dewleta tirke seba ke Rocawanê Tirkîya û Vakûrê Kurdistanî de vernîye ro nêy averkewtişan bigero, bi raybazanê şerrê taybetî, di tirkîya de provakasîyonêy pîlîy pêk ardî û şerro xomîyanî devist merîyete.

Yewîn pratîkê na rewşe Qetlîamê 1’ê Gulana 1977’ine bi.

Dime ra qetlîmê Mereşî ame pêkardene.

Reyna bi qiştişanê sansasyonelan, xeylê rojnamewan, roşinvîr û sîyasetmedarîy amey qetilkerdene.

Na pêvajo nakokîya maberê şaran û dewlete zafêrî xorî kerde.

Çalakîyê civatî û kede roc bi roce verhîra û girseyî bîyê.

Serra 1980’î de xoverdêrîya TARÎŞ’î ya karkeran bî sebebê serrewedartişê civatî.

Badê naye zî Generalîy kewtî sehne û derbeya 12’ê Îlone pêk arde.

Bi derrbeya 12’ê Îlone faşîzimî verva şarî dest bi êrîşan kerd.

Konseya Ewleyîya Mîllî MGK heme erkîy destê xo de kom kerdîy.

Kenan Evrenî xo zê Serokdewlet Îlan kerd.

Parlamento û hukumat amey fesihkerdene.

Destûra binkeyîne ya 1961’ine amî dirrnayene.

Êdî heme raybazê faşîzmî dewreye de bîy.

Seranserê Tirkîya de Rewşa Awartîye amî îlankerdene û Mehkemeyê Awartey amey awankerdene.

Heme partîyê sîyasî û nizdê 20 hezar komeley amey padayiş.

Heme çalakîyê civatî amey qedexekerdiş û verva çapemenîye sansur defîya merîyete.

Dîktarorîya faşîste bi îşkence, kiştiş, girotiş û karî ra vetişan hemeyê civatî sero faşîzim pêk ard.

Zilm o tewir pîl, reyna bi barrê şarê Kurdî.

Ziwan, çand û heme erjêy kurdan dorêka bîne bîy sebebê îşkence û qirkerdişan.

Zîndanê Amede bi sembolê zilm, îşkence û di heman wextî de xoverdêrîya verva ferasetê cuntaya faşîste.

Bi darrbeya faşîste ya 12’ê Îlone hetê ferasetî ra zî civat bi êrîşêkê pîlî reyde ribiri mend.

Bi derrbeya 12’ê Îlone 650 hezar kesîy amey binçimkerdene, bi seyan qiştişê qiştoxnêdîyarîy pêk amey.

14 giroteyan di peynîya çalakîya roceyê mergî de cuwîyeyê xo vînî kerd.

49 kesîy bi qerarê mehkemeyanê Rewşa awartîye, amey îdamkerdene.

Derrbeya 12’ê Îlone, dewleta tirke dorêka bîne, serre ra bin,bi goreyê ferasetî faşîzmî dîzayn kerde.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv