Dadgeha Temyîzê ya DYE’yê biryar da ku Halkbank a Tirkiyê ji ber binpêkirina ambargoya li ser Îranê û alîkarîdayînê dikare were darizandin.
Ajansa Nûçeyan a Reûtersê bi nûçeyekê ragihand ku Dadgeha Temyîzê ya Dewletên Yekbûyî yên Emerîkayê (DYE) serlêdana paşve kişandina îdianameya ku tê de Halkbank ji ber alîkarîdayîna Îranê ya ji bo ku ji ambargoya DYE’yê li ser danî birewe tê tawanbarkirin red kir. 2. Dadgeha Temyîzê ya DYE’yê got tevî ku Yasaya Destneverdanên Serweriya Biyanî bankayê diparêze jî, lê tawanbariya li ser Halkbankê dikeve çarçoveya îstîsnaya xebatên bazirganî.
Dozgeran Halkbankê ji ber ku dahatên petrolê destpêkê veguhertiye zêr û piştre ji bo bercewendiyên Îranê veguhertiye pereyên germ û ji bo ku weguhastina dahatên petrolê mafdar derxîne belgeyên sexte yên sewqiyata zadê çêkiriye, sûcbar dikin. Her wiha îdiaya ku Halkbankê ji bo transferkirina 20 milyar dolar fonê sînordar ya bi dizî ve ya ji bo Îranê alîkarî daye û herî kêm 1 milyar dolar bi wesîleya sîstema fînans a DYE’yê qanûnî kiriye, jî heye.
