شەوی رابردوو گەنجانی وڵات پارێز گردبوونەوەیەکیان دژی هێرشەکانی دەوڵەتی تورکیا ئەنجامدا
باشوری کوردستان- سلێمانی
شەوی رابردوو گەنجانی وڵاتپاریز دژی هێرشەکانی دەوڵەتی داگیرکەری تورکیا لە بەردەم باخی گشتی شاری سلێمانی گردبوونەوەیەکیان رێکخست و تیادا جگە لە ئیدانەکردنی داگیرکاریەکانی تورکیا داوای هەڵگرتنی گۆشەگیری سەر رێبەر ئاپۆشیان کرد.
وەک ناڕەزایەتیەک دژی هێرشەکانی دەوڵەتی داگیرکەری تورکیا بۆ سەر باشوری کوردستان، کۆمەڵەی گەنجانی ولاتپاریزی کوردستان لە شاری سلێمانی گردبوونەوەیەکیان رێکخست.
گردبوونەوەکە کە لە بەردەم باخی گشتی رێکخرابوو، تیایدا بە هەڵکردنی مەشخەڵ، درووشمەکانی دژی داگیرکاریان دەگووتەوە.
هەر لە گردبوونەوەکەدا گەنجانی وڵاتپاریز بەتووندی ئیدانەی هێرشەکانی دەوڵەتی داگیرکەری تورکیایان کرد بۆ سەر گڵکۆی شەهیدان و داواشیانکرد بە زووترین کات گۆشەگیری سەر رێبەر ئاپۆ هەلبگیرێت.
گردبوونەوەی کۆمەڵەی گەنجانی وڵاتپارێزی کوردستان لە کاتێکدایە، کە دەوڵەتی داگیرکەری تورکیا هیرشەکانی بۆ سەر باکور و رۆژئاواوا و باشوری کوردستان چڕکردۆتەوە و رۆژانە تاوان و هێرشی جۆراوجۆر دژی گەلی کورد ئەنجامدەدات.