Çalakîya Grevê Veyşanîye ya Kampa Şehîd Rustem Cûdî ya Mexmûre di roca 121’ine de ya.
Çalakîye ewro hetê Koma 61’ine ra amî dewrgirotene.
Di merasîmê dewrgirotişî de nameyê koma 60’ine sero Fîlîz Bûdake qisey kerd û nêy vatîy.
Dewleta tirke bi serran o wazena îradeyê şarê Kurdî bi pêkardişê tecrîdî bişikno.
La di ney mexsedê xo de bi ser nêkewena û do nêkewo zî.
Wazena heman polîtîkayan di zîndanan de pêk bîyaro la oca zî bi ser nêkewena.
Zîndanîy verva na polîtîkaya qirkerdişî bîyê kelheya xoverdêrîye.
Fîlîz Bûdake vatiş ard muhîmîya hemleya ser û vatişê xo wina bi peynî kerdîy.
Ma veng ro heme kes û dormeyanêy ke demokrasî, azadî û aştîye wazenê wa paştîye bidê hemleye.
Badê qiseykerdişî çalakîye hetê koma 61’ine ra amî dewrgirotene.
Çalakîya mexmûre 27’ê Mijdara 2020’ine de bi waşteka wedartişê tecrîdî û azadîya fîzîkî ya Rayver Apoyî amebî destpêkerdene.
Çalakîya Lavrîoyê Yewnanîstanî ya bi heman mexsedî zî di roca 104’ine de ya.
Çalakîya Lavrîoyî bi verkêşîya Têgêrayişê Ciwanê Şoreşgeran, Têgêrayişê Cînîyanê Kurdan yê Ewropa û Navenda Çandî ya Kurdistanî, yena rayirberdene.
