Bi sebebo ke bale bincê tecrîdê ro ser Rayver Apoyî û çalakîyanê grvê veyşanîye yê zîndanan ser, verê zîndanê Bakirkoya Stembolî de eşkerayîyêka çapemenîye amî rodarvistene.
Endam û rayirberê HDP, HDK, TJA, MATUHAY-DER û DBP tewrê eşkerayî bîy.
Parlamentera HDP Zûleyha Gulume vat; Tu xarantîya ke ma do zî siba nêkewê zîndan çîn ya”, û vengdanê wayirvecîyayişî kerd.
PARTÎYÊ SÎYASÎ Û SAZÎYAN RA EŞKERAYÎYA ÇAPEMENÎYE
“ZÎNDANÎY RO CAYÊ ÎŞKENCE Û QETLÎAMÎ AMEYÊ AÇARNAYENE”
Seba ke bale biancê ro ser tecrîdê verva Rayver Abdûllah Ocalanî û çalakîya grevê veyşanîye ya zîndanan, verê zîndanê Bakirkoye yê
Stambole de eşkerayîya çapemenîye amî rodarvistene.
Rayirber û Endamê HDP,HDK,TJA,MATUHAY-DER û DBP tewrê çalakîye bîy.
Parlamentera HDP ya Stembole Zuleyaha Gulume îtîya qisey kerd û nêy vatîy.
Polîtîkaya tecrîdî ke Îmralî de dest pê kerd ro hemeyê zîndanan û welatî ameya vilakerdene.
Zîndanîy bîyê cayê îşkence û qetlîamî. Mûameleyê xirabîy û îşkenceyê verva giroteyan ro pergalêka sîstematîke agêrayê.
Gere paştîye bideyo xoverdêrîya giroteyan ya verva na pergale.
Îqtîdar bi na polîtîkaya xo wazeno civatî çimtersî bikero.
Pergala zextan bi hincetê Şobaya Corona zafêrî hetê îqtîdarî ra ameya girankerdene.
Îqtîdaro ke nêşika şarî şobaye ra bipawo, şobaye verva civatî zê çiwaya zextan bi kar ano.
Xerantîya ma tu kesî çîn ya ke ma siba nêkewenê zîndanan.
Bi no sebeb gere her kes seba ameyîya xo verva pergala tecrîdî tekoşîne berz bikero û ro giroteyan wayir bivecîyo.
Zuleyha Gulume di peynî de veng ro îqtîdarî zî kerd û vat;
Na polîtîkaya xo fek veradê û gamêke raver tecrîdî bi peynî bikerê.
Eşkerayî bi slogananê ” Giroteyê sîyasî rûmetê ma yê û Bicuwîyo xoverdêrîya zîndanan” bi peynî bî.
