Operasîyonê Qirkeridişê Sîyasî êy faşîzmê AKP-MHP bêmaber dewam kenê.
Na siba şarçeya Peyase ya Amede de polîsan eşt xeylê keyeyan ser.
Di cisereştişê keyeyan de, dadîya Aştîye Nezahat Tekeye zî mîyan de, 22 cînîy amey binçimkerdene.
Hesabê Komeleya yê twetterî ser ra cisereştişî amey şermezarkerdiş û ame vatiş;
Ma do tekoşîna xo ra bi tu awayî game apey nîyarzê, Ma îtîyabî û ma do nara dime zî îtîya bê”
Operasîyon bi telîmatê Serdozgerê Amede ameyo destpêkerdene û qerarê binçimkerdişê 33 cînîyan ameyo dayene.
Kesêy ke ameyê binçimkerdiş û nameyê înan dîyar bîyê;
Hemseroka DBP ya rayvistina Amede Seval Gulmez, Şêwirmenda Parlamentera HDP ya Amede Remzîye Tosûne Gurbet Ozel, Endamê Meclîsa Cînîyê Sosyalîstan Satîye Ok û Fîgen Arase, aktîvîstêy TJA Şehrîban Zûgûrlî û Zelal Bîlgîne, Endama Desteya Rayiberîya Navendî ya DBP Zeynep Uren, Hemseroka Şaredarîya Çinare Necla Tamrîş, Sevîm Bîçîcî, Nûrşen Akbal, Hemseroka verêne ya Şarçeya Peyase ya HDP Besîle Narîn, Şêwirmenda Dersim Dage Leyla Akgule, Endmêy Meclîsa Şaredarîya Pîle ya Amede Bahar Karkûş Uludag û Rûken Bekalpe yê.
ÊRÎŞÊ QIRKERDIŞÊ SÎYASÎ ÊY FAŞÎZMÊ AKP-MHP
NEWEWANA JINNEWSE BÊRÎTAN CANOZERE AMÎ BINÇIMKERDENE
Reyna polîsana Şarçeya Rezan de eşt keyeyê newewana Jinnewse Bêrîtan Canozere ser û Canozere amî binçimkerdene.
Sehnayişê keyeyî de keye ame serobinkerdiş û xeylê pirtûk û materyalê dîjîtalî ame desteserkerdene.
Bi goreyê agahîyan Bêrîtan Canozere Midûrîyeta Polîsan ya Amede de yena girotene.
