Çend endamanê Heyeta Aştîye ke rixme heme zext û astengîye rayedaranê Elman û PDK resay Vaşûrê Kurdistan, derheqê ameyîşê xo de qisey kerdîy.
4 aktîvîstanê cinî ey têgêrayîşê femînist Gemeînsam Kaempfen, ango Tekoşîna Hembarre û Buroya Aştîye ya Cinîye Kurd Cenî, peyama day.
Cinîyan dîyar kerdîy ke, ey seba vernîgirotişê şerrêke xomîyanî maberê hêzê Kurdan amey hereme.
Reyna cinîyan destnîşan kerdî ke, vindertişê verva şerrî zaf muhîm o, çimkî mexduranê tewir pîl ey şerrî, cinîy ê.
Aktîvîstîy cenîy bi nameye Marlene û Franzî zî peyameke da û dîyar kerdîy ke, dewleta tirke bi bikarardişê çekanê kîmyewî sûcê şerr kerdîy.
Cinîyan vat:
“Kamco cayî dinya de beno wa bibo, ma însanî ke verva ney sûcan bêveng manenê nîyê.”
Aktîvîstanê rayvistina ciwanan ya Elman zî bale ante bombevaranêa rtêşa tirke ya verva dewanê vaşûrî ser û dîyar kerdîy ke, di bombevaranê verva dewan de sîvîlîy yenê qetilkerdene.
Ciwanan vat: Mumkin nîyo ke ma verva naye bêveng bimanê.
Aktîvîstê Rheînmetall Entqaffnen ke Heyeta Aştîye de ca gêno zî ney vatîy:
“Ney sûcê dewleta tirke bi çekanê elman yenê kerdene. Ma zî verva naye bêveng nêmanenê.
Ma wazenê şerrî Kurdistanî de bi peynî bibo û kurdîy mîyan aştîye de bicuwîye.”
HEYETA AŞTÎYE KURDISTANE DE YA
PIERRE LAURENT:”GERE RAYA PÊROYÎ VERVA POLÎTÎKAYANÊ ERDOGANÎ BIVECÎYA”
Hetkarê Serokê Senatoyê Fransa Pierre Laurent sey endamêkê Heyetê Aştîye şi Başûrê Kurdîstanî û tay pêvînayîşî kerdî.
Pierre Laurentî pare kerd ke seba ke êrişan vindarnê û paştdayîşê xo bimojnê êy ameyê herême.
Laurentî bale ante PDK ke heyete asteng kerd vat:
“Astengkerdişê Heyetê Aştîye skandal o.”
Laurentî pare kerd ke Hewlêr de înan temsîlkaranê YNK, Têgêrayîşê Goranî, parlamenteran reyde pêvînayîşî kerdî û nê pêvînayîşî do dewam bikerê.
Laurentî vat:
“Wezîrê Karanê Teberî nameyê PDKyî ser o ma reyde pêvînayîş kerd. Ameyîşê wezîrî nêzdîbîyayîşêko pozîtîf o. Wezîrî cewabê pozîtîfî nêdayî persanê ma, la ma do karanê xo rê bidomnê.”
Hetkarê Serokê Senatoyê Fransa Pierre Laurent di peynî de zî vatiş ard kombîyîşê NATOyî ser û vat:
“Ewro Kombîyayîşê Berzî yê NATOyî de beno ke Tirkîya ra destûr bidîyo ke goreyê zerrîya xo êrişan bikera.
Ma wazenê atmosferêkê winasênî virazê ke verê ney bigêrê.
Ganî NATO nê hêrişan vindarno.
Beno ke NATO kurdan bikerê qurbanê menfaatanê xo.
Tirkîya û Erdoganî vera kurdan çeteyanê DAÎŞî reyde pêkerd.
Ma paştî danê kurdan ke ameyoxê xo, îdareyê xo awan bikerê.
Raya pêroyî ya dinya zî gere verva polîtîkayanê Erdoganî warzê payan ser û paştîye bidê kurdan.”
