Nêrazîbîyişê verva îşgalkerîya dewleta tirke di qada mîyanetewî de zî zêdîyenê.
Welatanê Misir, Lîbya, Lubnan, Yemen, Filistin û Iraqî ra 21 roşinvîr, rojnamewan, sîyasetmedar û nûştoxan, bi eşkerayîyêka hembarre nêrazîbîyiş nîşanê îşgalkerîya tirke ya Vaşûrê Kurdistenî da.
Eşkerayî wina ya:
Ma zê roşinvîr û sîyasetmedaran persgirayanê welatanê Ereban û Rochelatê Mîyanênî zê persgirayanê xo vînenê.
Verva zextan û êrîşanê îşgalî êy dewleta tirke bêvengîya dewletanê Ereban ma aciz kena.
Xisûsî êrîşê îşgalkerîye êy axa Îraqî rewşêka xetereye nîşan danê û heta nika tu dewletêka Erebe tu eşekrayîyêke nêkerda.
Ma zê roşinvîr û sîyasetmedaran wazenê Yewîtîya Ereban derheqê persgira de kombîyişêko lezîn ro dar bifîno.
Di eşkerayîye de veng ro Netewê Yewbîyeyan û Konseya Ewlekarîye zî ame kerdiş ke helweste nîşanê na îşgalkerîya dewleta tirke bidê.
