Artêşa tirke ya îşgalkere 23’ê Nîsane herêmanê Metîna, Avaşîn û Zap ya Vaşure Kurdistanî de dest bi êrîşê îşgalkerîye kerd.
Bi cevabdayîşê gerîllayanê azadîya Kurdistanî reyde şerr vecîya.
Bi goreye çimeyanê herême:
Xeylê eskerê artêsa tirke ameye kiştiş.
9 eskerêy artêşa îşgalkere ke herêma Zapî de ameye ronayene, vîndî bîye.
Çapemenî û şaro kurd qewimyayîşî kêlî bi kêlî şopnenê.
La belê balkêşo ke, na dore çapemenîya hewzî ya tirke û îqtîdarî derheqê şerrî de bêveng ê.
Di aşma Sibate de zî artêşa îşgalkere hewl da herêma Garê îşgal bikero.
13 eskerê xo ke di destê PKK’yî de bîy, qetil kerdbîy.
dîmenê Joe Biden û Erdogan bi hevre bidin li vir—spas
Êrîşê îşgalkerîye ey verva herêmanê Metîna, Zap û Avaşîne, badê ke Serokê Emrîka Joe Biden bi şefê rejîma tirk ya faşîst Tayyip Erdoganî reyde telefonî sero derheqê komkiştişî Ermenîyan de qisey kerd, pêk amey.
Di serra 2007’ine de zî, badê ke Erdogan bi serokê Emrîka êy o wext Goerge Bush reyde roniştbi de êrîşêke pêk amebi.
Artêşa îşgalkere 21’ê Sibata 2008’ine de bejayîye ra êrîşê herêma Zape kerdbi.
Gerîllayanê azadîye bi awayoke tuj cevab dabî îşgalkeran û şerr 9 rocîy dewam kerd.
29’ê Sibata a serre zî, wexto ke eskeranê tirke qade ra apey agêray, dîmenê înan êy bê hal ameye barre kerdene.
Eskeranêy ke dekewtê Zape, raştê xoverderîya gerîllayan ameybî.
Her çende naye raya pêroyî ra ame lumitene zî, di şerrî Zape de end tay 125 esker amey kiştiş.
Şerrî Zape ra 13 serrî derbas bîy.
Dewleta tirke ya îşgalkere 13 serrî ra dima, ewro doreka bîne verva herêma Zape dest bi têgêrayîşê îşgalkerîye kerd.
Gerîllayan zî reyna cevab danê.
Şerr tenê Zap de nê, herêmanê Metîna û Avaşîne de zî dewam keno.
Navenda Resnayîş û Çapemenîya HPG 25’ê Nîsane de eşkerayîyeke barre kerd û da zaneyene,
Êy herêma Zape de Hemleya Şoreşgerî ya Bazê Zagrose day dest pê kerdene.
Di şerrê Zap ya serra 2008’ine de, şaro kurd seba artêşa tirke vatbi “espar amey, peya sîy”.
13 serrî ra dima ewro zî tarîx xo digarg kena.
Gelo do artêşa tirke reyna “espar bêra û peya şira?”
