Koordînasyona Partîya Azadîya Cinîye Kurdistanî PAJK, bi wesîleya serragêrayîya 15’ê Sibate eşkerayî da.
Di eşkerayî de îşaret bi xoverderîya Rayver Apo ya verva komploye ame kerdene û wina ame vatiş:
“Rayver Apo bi sekna xo ya xoverdeyox û kesayeta tarîzî komploye têk berd.”
PAJK seba azadîya fîzîkî ya Rayver Apoyî bale ant mihîmîya Hemşeya “Wext weztê azadîye yo” ser zî.
KOORDÎNASYONA PARTÎYA AZADÎYA CINÎYE KURDISTANÎ – PAJK
“RAYVER APO BI VINDERTIŞÊ XOVERDEYOX Û KESAYETA TARÎXÎ KOMPLOYE TÊK BERD”
Koordînasyona Partîya Azadîya Cinîye Kurdistanî PAJK bi wesîleya serragêrayîya 22’ine ya Komploya Mîyannetewî ya verva Rayver Apoyî de eşkerayîyeke nuştekîye da.
Koordînasyona PAJK di vernî de xoverderîya Rayver Apoyî ya tarîxî, ke ewro gerdunî bîya, silam kerd.
Eşkerayîya PAJK wina dewam kena.
Komploya Mîyandewletî ya ke verva Rayver Apoyî, amî pêkardene, komploya tewir pîle ya tarîxî ya.
Na komplo, di şexsê Rayvertîya ma de, di serre de cinîy, verva Têgêrayîşê Azadîye, şarê Kurdî û heme merdimayîye, amî rodarvistene.
Hêzêy hegemon, dewletperest û sermayedaranê pergala kapîtalîste, na komploye pêk arde.
La hêzêy komplogerîy, verva vindertişê xoverdeyox yê Rayver Apoyî de, têk şîy.
Di nêy 22 serran de tim verva şarê Kurdî, şerr, plan û komploy merîyete de bîy.
KOORDÎNASYONA PARTÎYA AZADÎYA CINÎYANÊ KURDISTANÎ – PAJK
“XOVERDÊRÎYA GARÊ YA GERÎLLAYAN, QERARDARÎYA KURDISTANÊ AZADÎ YA”
Koordînastona PAJK bale ante tecrîdê girankerde ya verva Rayver Apoyî ser û vat: no newekerdişê komploye yo.
PAJK îşaret bi tekoşîn û xoverderîya verva naye kerd û wina vat:
Rayver Apoyî, no şerr zey şerrê dinya ya 3’ine, zê şerrê maberê şaristanîya demokratîk û şaristanîya kapîtalîste, biname kerd.
Di nêy rocanê serragêrayîya komploye de, dewleta Tirke bi êrîşê verva herêma Gare, doreka bîne peyama îşgalkerîya Kurdistanî û newekerdişê komploye, da.
Dewleta Tirke di na plana xo de, bi xoverdêrîyêka tarîxî ya gerîllayan reyde ri bi ri mende.
Na qerardarî û xoverderîya gerîlla, xoverderî û qerardarîya Kurdistana azadî ya.
Di sere de şarê ma êy Vaşûrî, bi taybet cinîy, gere verva na îşgalkerîye bibê wayîr helwest.
KOORDÎNASYONA PARTÎYA AZADÎYA CINÎYE KURDISTANÎ – PAJK
“AZADKERDIŞÊ FÎZÎKÎ YA RAYVER APOYÎ VERPERSÎYARÎYA TARÎXÎ YA”
Di eşkerayîya PAJKe de îşaret bi muhîmîya Hemleya “Wext wextê azadîye yo” ya seba azadîya fîzkî ya Rayver Apo ame kerdene û wina ame vatiş:
Rayver Apoyî, seba Îmralîye wina vatbi: “Îtîya çala mergî ya. Pergala îtîyayî, her roce yena wateyê îdamkerdişê min.”
Heta ke Rayver Apo Îmralîye de bêro tepiştiş, cinîyê azadîwazîy û heme merdimayîye, azadîya xo ra bê par ê.
Di sere ma cinîy û ciwanêy Kurdîy, gere di ferqa na yew de bê ke, azadîya fîzîkî ya Rayver Apoyî, verpersîyarîyêka tarîxî ya.
Di serra 23’ine ya xoverderî û tekoşîna tarîxî ya Rayver Apoyî de, zey têgêrayîş û şarê Kurdî, xênce berzkerdişê tekoşîne, tu rayirêka bîne, vernîya ma de çinya.
