Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

NPG derheqê eskerê esîran de eşkerayîyeke barre kerde 14.02.2021

 

Dewleta tirke di êrîşê xo yê Gare de esker û endamê MÎT’ê xo kiştîy.

Na hovîtîye vatişê Serokê Meclîse yê demî Mehmet Alî Şahînî, ke vatbi “Wereka biamebêne kiştene”, vistîy vîrî.

Fermandarîya Qerargeha Navendî NPG, derheqê kiştişê eskerê esîran de eşkerayîyêke bi raya pêroyî reyde barre kerde.

FERMANDARÎYA QERARGAHA NAVENDÎ YA PAWITIŞÎ ŞARÎ
“DEWLETA TIRKE SEBA ÎMHAKERDIŞÊ ESÎRAN ÊRÎŞ KERD”

Dewleta tirke di êrîşê xo yê îşgalkerîye de esker, polîs û endamêy MÎT’î êy esîrîy, kiştîy.

Fermadarîya Qerargeha Navendî ya Hêzanê Pawitişê Şarî NPG, derheqê mijare de eşkerayîyêka nûştekîye da.

Eşkerayî wina ya.

10’ê Sibate dewleta tirke ya îşgalkere, verva Herema Gare, êrîşêkê îşgalkerîye da destpêkerdene.

Di êrîş de, kampa ke esîrê şerrî tede ameyêne girotene, bi awayêko zanaye û hov hetê artêşa îşgalkere ra, bi teyareyanê şerrî amî bombevaran-
kerdene.

Gêrîllayanê ma seba pawitişê esîranê şerrî di bin bombevaranî de, verva îşgalkeranêy ke waşt bikewê kampe, xoverdêrîyêka pîle nîşan da û
derrbêy giranîy ro îşgalkeran day.

Verva xoverdêrîya gêrîllayan îşgalkerîye neçar mendîy ke xo apey biancê.

Badê xoapeyantişî, dewleta faşîste rixmo ke zanayê cayê esîranê şerrî ya zî, kampe bi teyareyanê şerrî bi awayêko hov bombevaran kerde.

Bombevaranê Kampe 3 rocîy dewam kerd.

Di ney bombevaranî de tay esîrêy şerrî ke kampe de bîy amey qetilkerdene.

FERMANDARÎYA QERARGAHA NAVENDÎ YA PAWITIŞÎ ŞARÎ
“VERPERSÎYARÊ QETILKERDIŞÊ ESÎRAN HÛLÛSÎ AKAR BIXO YO”

No êrîş êrîşêko bi zaneyî û bi temamî seba îmhakerdişê esîran bi.

Yewîn verpersîyarê ney qetilkerdişan, wezîrê Pawitişî yê dewleta îşgalkere Hulusî Akar bixo yo.

Xora serokê Meclîse yê demî Mehmet Alî Şahînî bi vatişê,” wereka biamebêne kiştene”, no nîyetê dewleta tirke eşekra kerdbi.

Seba ke serê na hovîtî û wehşetê xo bigerê û têkşîyişê ox yê Gare bincil bikerê, nika bi telaşêko pîl dest bi propogandaya zûran kerdo.

La se kenê wa bikerê do bi tu awayî nêşikê, raştîyan tarî û verapey bikerê.

Heme dinya zanena ke, Têgêrayişê ma heta nika tu zirarêke nêdayo esîran û tim verva êrîşanê dewleta îşgalkere, seweknayê.

Ma di êrîşê verva Garê de eşkera kerdbi ke, kampa esîran ameya bombevarankerdene.

Reyna keyeyanê esîran vengdanê vindarnayişê bombevaranî kerdbi.

La verva nêy heme îsraran zî dewleta tirke ya hove, însanê xo zî bêke teredutêke nîşan bido qetil kerdîy.

Bi na hovîtîye, riyo raştîn yê faşîzmê dewleta tirke dorêka bîne vecîya orte.

Dewleta tirke ya îşgalkere û ferasetê xo yo hov do rocêke miheqeq verva tarîxî hesab bidê şaranê tirkîya.

 

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv