Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

HPG derheqê şerê herêma Gare de eşkerayî barre kerd 10.02.2021

 

Na serê sibay herêma Gare ya Vaşûrî Kurdistanî hetê artêşa dewleta tirk ya îşgalkere dest bi êrîşê îşgalkerîye kerd.

HPG derheqê mijare de zanayîşan muhîmî day û da zanayene ke, herême de şerr qewimyeno.

Û bi saya cevabdayîşê gerîllayan, helîkopteran mecbur mendê herême ra bivecîye.

Reyna HPG di eşkerayîya xo de vat:

“Ney Helîkopteranê Kobra û Skorsku Vakûrî Kurdistanî ra nê, hetê Vaşurê Kurdistanî ra ameye herême.”

Eskerêy ke ameyê ronayiş di kontrolê gêrîllayan de yê

ÊRÎŞÊ DEWLETA TIRKE YA VERVA VAŞÛRÎ
HPG: NA SIBA HEREMA GARE DE BI HELÎKOPTARAN ÊRÎŞ AME DESTPÊKERDENE

Dewleta tirke na siba seete 3’ê de verva Vaşûrê Kurdistanî êrîş da destpêkerdene.

HPG derheqê êrîşê dewleta tirke de eşkerayîyêke bi raya pêroyî reyde barre kerde.

Eşkerayîya HPG wina ya.

Artêşa dewleta tirke ya îşgalkere na siba seete 3’ê de verva Herema Garê êrîşêko verhîra da destpêkerdene.

Di êrîş de, dewêy Guzê, Meroke, Siyane, Çemşerîtke, Yekmale û Kanîsarkê êy Herema Garê, reyan mentîqayê Deşta Kafya û Deşta Nehlê, bi teyareyanê şerrî, bi desan doran bombevaran kerdîy.

Dormeyê dewa Çemroborke zî seete 4 û nîme de, di dorîy bi teyareyanê şerrî ame bombevarankerdene.

Bi awayêko hemwext dewêy Yekmale û Siyane zî, bi helîkopteranê Kobra û skorskîyan amey bombevarankerdene.

Badê bombevaranê teyareyanê şerrî û helîkopteran, dewa Siyane de esker ame ronayiş.

Badê ronayişê eskeran maberê hêzanê ma û îşgalkeran de şerr qewemîya.

Gêrîllayanê ma helîkopterî hedef girewtî û helîkopterî neçar mendîy ke hereme terk bikerê.

HPG derheqê êrîşanê hewayîyan êy heremanê bînan de zî nêy agahîy day.

30’ê Çeleya seetanê nîmerocî de mentîqayê Arîs Farîs yê Herema Avaşîne û mentîqayê Cîloya Qice û Karker bi teyareyanê şerrî amey bombevarankerdene.

2’yê Sibate maberê seetanê 10 û nîme û 12 û nîme de zî dormeyê dewa Şînê ya mentîqayê Koyê Mamentîye, bi teyareyanê şerrî ame bombevarankerdene.

Di bombevaranî de bax û baxçeyanê dewican zirar dî.

ÊRÎŞÊ DEWLETA TIRKE YA VERVA VAŞÛRÎ
HPG: HÊZANÊ PAWITIŞÊ HEWAYÎ ÇELÊ DE RO ÎŞGALKERAN DA

HPG derheqê çalakîyanê Hêzanê Pawitişê Hewayî yê HPG de zî nêy agahîy day.

Hêzanê Pawitişê Hewayî êy Ş. Delal Amede, di çarçoveya Hemleya “Wext wextê Azadîye yo” de 9’ê Sibate seetanê sibayî de, hêzêy îşgalkerîy êy Girê Mêrganîş yê Çelêya Colemêrge, bi amûranê hewayî, hedef girewtîy.

Di çalakîye de hedefîy bi awayêko serkewte amey îmhakerdiş.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv