Endama Komîteya Navendî ya PKK Hêlîn Umît ajansa ANF rê qisey kerd û vat.
“Bi qonaxa ke ma xo resnayê dîyar beno ke, hedefê hemleya azadîye zaf nêzdî bîya.
Heke bi na awayî û zafêrî berzkerdişî êy dewam bikero, mimkun nîyo ke faşîzmê AKP-MHP lingan sero bimano.”
Endama Komîteya Navendî ya PKK Hêlîn Umît derheqê Hemleya Wext Wextê Azadîye yo û tekoşîna verva faşîzmê AKP-MHP’î de ajansa ANF rê qisey kerd.
Hêlîn Umît bi taybet bale ant çalakîyanê Vakûre Kurdistane ke zêdyenê ser û vat:
HEMLEYA “WEXT WEXTÊ AZADÎYE YO”
HÊLÎN UMÎTE: ÇALAKÎYÊ WAN Û BATMANÎ SERREWEDARTIŞÊKE BÎY
Ez heme şarê Vakûrê Kurdistanî pîroz kena.
Çalakîyêy ke Wan û Batmane de pêk ameyî, serrewedartişêke bi.
Ney çalakîy û serrewedartişîy, hest, waştek û fikrê raştî, êy şarê Vakûre Kurdistanî yê.
Helîn Umît destnîşan kerd ke, faşîzmê AKP-MHP seba ke payan sero bivindero do zafêr êrîş bikerê û wina vat:
Seba ke nêkewê, do zafêrî zor û zextan pêk bîyarê.
La do no hewldan veng bibo.
Çimkê serrewedartişê şarê Vakûre Kurdistanî, do pergala zor û zextan birijno.
Wexto ke faşîzmê AKP-MHP ame çinêkerdiş, do peynîya rejîmê qirker û îşgalkerî yê Komara Tirkîya zî bêro.
Do şarê Kurdistane azad bibo û Tirkîya zî bireso demokrasîyî.
HEMLEYA “WEXT WEXTÊ AZADÎYE YO”
HÊLÎN UMÎTE: SERREWEDARTIŞÊ ŞARÊ KURDÎ QONAXA SERKEWTIŞÊ ŞOREŞA KURDISTANÎ YA
Endama Komîteya Navendî ya PKK Hêlîn Umît wina dewam kerd:
Serrewedartişê şarê Vakûre Kurdistanî, wayîr qonaxeke muhîmî yê Şoreşa Kurdistanî yo.
Na qonaxe, seba Şoreşa Kurdistanî serfîrazî û serkewtiş, îfade kena.
Bêguman, xuliqnayoxê nêy heme erjan Rayver Apo yo û tewir zaf zî şarê Vakûre Kurdistanî, naye zaneno.
Bi no sebeb, şarê Vakûre Kurdistanî her tim zerrîye ra wayîr ro Rayver Apoyî vecîya.
Şaro Kurd bi wayirvecîyayîşê ro Rayver Apoyî, ro heme erjanê neteweyîyan wayir vecîyeno.
Serrewedartişanê peyênan êy şarê Vakûrê Kurdistanî paştraşt kerd ke, înan yewîtîya netewî awan kerda.
HEMLEYA “WEXT WEXTÊ AZADÎYE YO”
HÊLÎN UMÎTE: BI BERZKERDIŞÊ TEKOŞÎNE, HEDEFA HEMLEYE ZAFÊRÎ NÊZD BÎYA
Endama Komîteya Navendî ya PKK Hêlîn Umît veng ro heme kes kerd ke, bi hemleya Wext wextê azadîye yo” tekoşîn û xoverderîya verva faşîzmê AKP-MHP bîyarê rojdema xo û vat:
Bi qonaxa ke ma eşkera kerde reyde, dîyar beno ke hedefa hemleye zaf nêzdî bîya.
Heke bi nêy awayî û zafêrî berzkerdişê tekoşîne dewam bikero, mumkun nîyo ke faşîzmê AKP-MHP, bişiko lingan sero bimano.
Gere tekoşîne nêy esasan sero bêro dayene û xora serkewtin zî na binkeye sero yo.
