Bi 40 teyyaray şerr, teyyaranê bêmerdim û bi çek û bi helîkopteran 4 rocîy bêmaber Garê bombevaran kerdîy.
Seba ke bi awayoke mende herême îşgal bikerê, heme çîy bi kar ardîy.
La reyna zî hesabê Enqera nêtepişt.
Artêşa dewleta tirk ya îşgalkere 14’ê Sibate “nişke ra remay”.
Ajansa Neweyan ya Firatî ANF dîmenê qada şerr barre kerdîy.
Dîmenan ra dîyar beno ke, mexsedê dewleta tirke, bi awayoke mende îşgalkerdîşê herêma Gare bi.
GARÊ DE ÇI QEWEMÎYA?
ARTÊŞA TIRKE KAMPA ESÎRAN BI AWAYÊKO GIRAN BOMBEVARAN KERDE
10’ê Sibate de zafêrî 40 teyyara, bi desan teyyaranê bi çek û bê merdim, bi desan helîkopter û bi hezaran eskerî, dewleta tirke verê xo da herêma Garê.
14’ê Sibate de zî bi vatişê Hemserokatîya Konseya Rayirbere ya KCK “nişke ra remay”.
Fermandarîya Qerargeha Navenda Pawitişî Şarî NPG, vatbi:
Dewleta tirke hewl da xo Garê bi awayokê mende bica bikero û esîranê şerr ke destê gerîllayan de bîy îmha bikerê.
La raştê xoverderîya tarîxî ya gerîllayan ame.
Gerîllayanê HPG şîy herême û cigêrayîş kerdîy.
DÎMENÊ QADA SÎYANÊ YA KAMPA ESÎRAN AMEY BARREKERDIŞ
DÎYAR BENO KE MEXSEDÊ ARTÊŞA TIRKE BI AWAYOKE MENDE ÎŞGALKERÎYA GARÊ BI
Ajansa Neweyan ya Firatê ANF dîmenê qada şerrî barre kerd.
Pey eskeran ke herême ra remay, rijyayîşê ya bi sebebê bombevaran û malzemeyanê eskerî mendê.
Gerîlla Hogir Med derudore nîşan dano û nînan vano:
Îtîya de bi roketan nê, bi qazanan bombevaran kerdîy.
Artêşa tirke hewl da eskeranê xo herême de bi awayoke mende ronê.
La belê raştê xoverderîya gerîllayan ameye. Şoq bîy.
Seba ke nêşikay encama ke waştê bidesbifînê, vatîy “Na operasyon prova bi, provaya verva Qendîle” û hewl daye raştîye şaş nîşan bidê.
Gerîlla Hogir Med kampa esîran nîşan da û vat:
Zey ke dîmenî ra zî yeno fahmkerdene, hewl dayê komkiştişêke pîle bikerê û eskerê xo bi destê xo kiştê.
Gaz bikar ardîy. Di encamê bikarardişê gaz û bombevaranî de esîr merdê.
Înan kiştê û hewl day dekê milê ma ser.
Reyna herême de zî xoza talan kerdîy. Darîy birrnay.
Hêzê ma her hetan ra çalakîy kerdîy û îşgalkeran nêçar mendê ke herême ra bivecîye.
Gerîlla Hogir Med malzemeye ke eskeranê tirk bi xo reyde ardîy nîşan da û vat:
“Ney poşetî seba ke mewzîyan bivirazê ardîy.
La firsend nêdîy ke bikar bîyarê.”
Zey ke dîmenan de yeno dîyîş, artêşa tirk ya îşgalkere ke pey xo nêhewnîyay û remay, pey xo de erzak û malzemeye xo zî verday.
Mîyan malzemeye ke gerîllayan bidestvistîy de, lepik, bombeye gazî, şarjor, maskeye gazî, malzemeye weşîye, cilê kamuflajî, bombeye destan, êlek û konserve zî estê.
