18’ê Çeleyê de kombîyîşê serranê ya Konseya Fermandarîya HPG amî rodarvistene.
Fermandaranê YJA-STAR’e Hêjar Zozan ke tewrê kombîyîşe bî, derheqê çalakîyanê gerîllayanê YJA-Stare de qisey kerd.
Fermandar Hêjar Zozane vat;
“Hetê profesyonelbîyîşê rayhevalê cinîy ra, emserr gamê cîya cîyayî êy taktîkî ameye vistij.
Çalakîyanê YJA-STAR gere zey heyfgirewtişî cinîyan bêrê dîyîş. ”
Reyna Fermandara YJA-STAR veng ro cinîy ciwan kerd û vat:
“Gere cinîy ciwan xo verva êrîşanê faşîzmî bipawê, cevabê êrîşan bidê û tewrê YJA-Star bibê.”
FERMANDARANÊ YJA-STAR’E RA HÊJAR ZOZAN
“BI ÇALAKÎYA ŞEHÎD SEMA KOÇERE FEHM BI KE, DO SERRE SENÎ DERBAS BIBO”
Fermandaranê YJA-Stare ra Hêjar Zozan ke tewrê kombîyîşê serre ya Konseya Fermandarîya HPG bî, derheqê hêza pratîke ya YJA-Stare ajansa ANF rê qisey kerd.
Fermandar Hêjar Zozan derheqê destpêkerdişê serra 2020’ine de ney vat:
Serra 2020’ine, bi çalakîya şehîd Sema Koçer ke Serhede de pêk ardebî, dest pê kerd.
Na çalakîye ra ame fehmkerdene ke, do serre senî derbas bibo.
Rayhevala Sema, serra tekoşîne da destpêkerdene.
Dime ra Heftanîne de pêvajoyêka şerrî dest pê kerd.
Di Cenga Heftanîne de, rayhevalêy cinîy bi rolê verkêşîye weriştiy.
FERMANDARANÊ YJA-STAR’E RA HÊJAR ZOZAN
“ÇALAKÎYÊ GÊRÎLLAYANÊ YJA-STAR’E ÇALAKÎYÊ HEYFGIREWTIŞÊ HEME CINÎYAN Ê”
Fermandara YJA-Stare da zanayene ke, mîyan serre de çalakîyanê YJA-Stare her tim estbî û wina vat:
Naye ra yeno fehmkerdiş ke cinîye çiqas profesyonel bê, hetê eskerî ra çiqas xurt bê, ewqase zaf zî çalakîyan rodarfînenê.
Hêjar Zozan vat ney çalakîy di heman wextê de heyfgirewtişê heme cinîyan o.
Ney çalakîyan di heman wextê de gere zê heyfgirewtişê cinîyan bêro vînayîş.
Çimkî mîyan serre de Kurdistanî de dişmên êrîşê xeylê cinîye ciwan kerdîy.
FERMANDARANÊ YJA-STAR’E RA HÊJAR ZOZAN
“BI NÊY TECRUBEYAN MA DO SERRA 2021’INE DE BI ERKÊKO PÎL TEKOŞÎNE BERZ BIKERÊ”
Hêjar Zozan ard ziwan ke, gerîllayanê YJA-Star xeylê cayanê Kurdistanî de verva îşgalkeran çalakîy rodarvistîy û vat:
Hetê profesyonelbîyîşê rayhevalê cinîyan ra, emserr gamêy cîya cîyayî êy taktîkî ameye avervistiş.
Bi taybetî, heval Doga Zîlan, di mijarê şerrê hawayî de gerîllayan rê verkêşîye kerde û tesîreko pîl vet orte.
Bi nêy tecrubeyan, ma do serra 2021’ine de bi rolêko pîl mîyanê tekoşîne de ca bigerê.
Na wezîfeya ma ya.
Fermandara YJA-Stare Hêjar Zozan ard ziwan ke, pêvajoyêke verhîra ya pratîke derbas bi û wina dewam kerd:
Xeylê çîyê bînan şikaynê biameynê kerdene.
Kêmasîye ma estê. Verîya heme çîyan, Rayverê ma hama zindanî de yo û têkilîye bi êy reyde çinyê.
Bi no sebeb gere ma tekoşîne xurtêr bikerê.
FERMANDARANÊ YJA-STAR’E RA HÊJAR ZOZAN
“GERE CINÎYÊ CIWANÎY XO FAŞÎZMÎ RA BIPAWÊ Û TEWRÊ REFANÊ YJA-STAR BIBÊ”
Di peynî de Fermandar Hêjar Zozan bi wesîleya kombîyîşê fermandarîya HPG’yî de cinîye ciwan rê na vengdan kerd:
YJA-STAR hêzêka cinîyan a.
Kam cayî de êrîşîy verva cinîyan est bê, do YJA-STAR, o ca de cinîyan bipawa.
La gere cinîyê ciwanîy zî, zafêrî tewrê mîyanê refanê gerîllayî bibê.
Gere xo verva êrîşanê faşîzmî bipawê, heme hetan ra xo xurt bikerê û cevabê êrîşan bidê.
Bi no sebeb, ez veng ro cinîyê ciwanan kena ke, wa tewrê mîyan refanê YJA-STAR’e, bibê.
Ez nika ra cinîyê ciwanan rê, di tekoşîna înan de serkewtin, wazena.
