Endama Konseya Rayirbere ya KCK yî Elîf Ronahî, Radîyoyê Dengê Welatî bî û derheqê xoverdêrîya zîndanan de qisey kerd.
Elîf Ronahîye vat: Heta ke Şaro Kurd bi rayvistinî tekoşîne bido,çîyo ke bi dest nêfîno çîn yo.
END. KON. SEROKATÎYA PÊROYÎ YA KCK’YÎ ELÎF RONAHÎ:
“TEKOŞÎNA BIRAYVISTINÎ, SERKEWTIN ANA”
Endama Konseya Rayirbere ya KCK’yî Elîf Ronahî, bernameyê Radîoyê Dengê Welatî de, mijaranê rojdeme sero qisey kerd.
Elîf Ronahî, bi wesîleya serragêrayîya 22’ine ya Komploya Mîyanetewî, heme hêzêy komplogerîy, şermezar kerdîy û heme şehîdê, bi şîarê ” Şima Nêşikenê Rocê Ma Tarî Bikerê” û şehîdê pêvajoya roceyê mergî êy serra 2019’ine,bi vîr ardîy.
Elîf Ronahî, xoverdêrê zîndanan ke roca destpêka komploye ra heta nika, verva tecrîdî tekoşîne daya û danê zî silam kerdîy.
Elîf Ronahîye vat;
Di pêvajoya peyêne de, dewleta tirke verva heme perçeyanê Kurdistanî êrîşêy verhîray, pêk ardîy û bi girankerdişê tecrîdî zî, wazenê têkilîya Rayver Apoyî ya bi teberî reyde, bibirrnê.
Reyna wazenê bi tecrîd û zextan, Rayver Apoyî bîyarê xetêka bi goreyê xo la na pêkane nîya.
Elîf Ronahîye vat;
Heke tecrîd nêro wedartiş û azadîya fîzîkî ya Rayver Apoyî pêk nêro, do tenê şaro Kurdî nê, heme şarê Rochelatê Mîyanênî zirarêko pîl bivînê.
Xoverdêrîya rayhevalanê ma êy zîndanan zî, seba naye ya û ez bawer kena ke do na xoverdêrîye, bi ser bikewo.
Elîf Ronahî bale ante xovrdêrîya serra 2018’ine ya bi verkêşîya Leyla Guvene ser û vat;
Bi na xoverdêrîye dewleta tirke neçar mede ke berê Îmralî abikero.
ENDAMA KONSEYA SEROKATÎYA PÊROYÎ YA KCK’YÎ ELÎF RONAHÎ
“SÎYASETMEDARÎY BI SEBEBÊ REDKERDIŞÊ HEMKARÎYA BI DEWLETE REYDE AMEY GIROTENE”
Elîf Ronahî, vatiş ard êrîşanê qirkerdişê sîyasî ser û nêy vatîy.
Nê êrîşîy serra 2009’ine de, bi mexsedê hemkarîya sîyasetmedaran ya bi dewlete reyde, amey destpêkerdiş.
Ewro zî heman çîyê wazenê û tecrîdî giran kenê.
La na pêkane nîya.
Sîyasetmedarê Kurdîy di na mijare de qerardar ê û gureyê xo yê welatpawêrîye bi ca anê.
Ro tekoşîne wayir vecîyenê û heme vengayîyan pir kenê.
Zîndanan ra zî faşîzmê AKP-MHP rê,nanêke çîn yo.
ENDAMA KONSEYA SEROKATÎYA PÊROYÎ YA KCK’YÎ ELÎF RONAHÎ
“GERE MUXALEFET Û ÇAPEMENÎYA MUXALÎFE QASÊKE BICESARET BÊ”
Elîf Ronahî, derheqê bêvengîya muxalefetî de zî nêy vatîy.
Zê partîya Muxalefetî CHP, cesaret nêkena ke, zilm û tecrîdê zîndanan bîyaro ziwan.
Gere hem partîyê muxalefetî û hem zî çapemenîya muxalîfe, di na mijare de qasêke bi cesaret têbigeyrê.
Elîf Ronahî vatişê xo wina bi peynî kerdîy.
Gere Şaro Kurd, di asta tewir berze de ro xoverdêrîya zîndana wayir bivecîyo.
Bi vatişê Faşîzmê AKP-MHP zeîf bîyo û têkşîyişî verde yo, nêbeno.
Faşîzm bi xoverdêrî û tekoşîne yeno têkberdiş. Gere tekoşîne zafêrî bêro berzkerdene.
Heke tekoşînêka birayvistinbîyî bêro dayiş, serkewtin teqez o.
