DÎMÊNÊN JI QADA SIYANÊ YA KAMPA ÊSÎRAN LÊ HATIN WEŞANDIN
JI DÎMENAN DIYAR DIBE, KU ARMANCA ARTÊŞA TIRK BI AWAYEKÎ DAYÎMÎ DAGIRKIRINA GARÊ BÛ
10’ê Sibatê bi zêdetirî 40 balafir, bi dehan balafirên bi çek û bêmirov, bi dehan helîkopter û bi hezaran eskerî, dewleta Tirk berê xwe da herêma Garê.
14’ê Sibatê bi gotina Hevserokatiya Konseya Rêveber a KCK’ê “Ji nişka ve reviyan” û her tişt li cih hêlan.
Ji Kampa êsîrên şer ên dewleta Tirk in, ku 4 roja şerekî dijwar lê qewimî.
Dîmen ji aliyê Ajansa Nûçeyan a Firatê ve hatin weşandin.
Ji van dîmenan 3 xalên sereke xwe didin der.
1-Armanca dewleta Tirk bi awayekî dayîmî dagirkirina Garê bû.
Nîşaneyên vê yekê; xwarin, vexwarina zêde ya têra çend mehan, dar, bêr û qedûmên nû ji bo kolandina çeperan.
2-Bikaranîna çekên kîmyewî ji bo kuştina êsîrên şer û gerîlayên parastina kampê dikirin.
Nîşaneyên vê yekê; 3 maskeyên gazê yên artêşa Tirk li qadê li pey xwe hêlane.
3-Têkçûyîna tevgera dagirkirina Garê ya dewleta Tirk.
Nîşaneyên vê yekê; li pey xwe hiştina tevahî alavên ji bo dagirkirina herêmê.
Jixwe Fermandariya Biryargeha Navendî ya Parastina Gel jî bi daxuyaniya xwe ev her sê xal ragihandibûn.
Bi dîmenên ji qadê jî hatin ev yek bi awayekî zelaltir ron û eşkere bû.
