Fermandarîya Qerargeha Navendî ya Hêzanê Pawitişê Şarî NPG, şehadetê Dewrêşê Hemdemî, Dilşêr Herekolî eşkera kerd.
NPG di eşkerayîya xo de vat;
“Di şexsê Dewerêşê Hemdemî fermandar Dilşêr Herekolî de, heme şehîdanê azadîye bi vîr anê û ma dorêka bîne soz danê ke, ma do doza azadîye bi ser bifînê. ”
DERWÊŞO HEMDEM DILŞÊR HEREKOL ŞEHÎD BI
NPG BI EŞKERAYÎYÊKE DILŞÊR HEREKOL BI VÎR ARD
Fermandarîya Qerargeha Navendî ya Hêzanê Pawitişê Şarî, bi eşkerayîyêke fermandarê gêrîllayaî Huseyîn Acar- Dilşêr Herekol bi vîr ard.
Eşkerayîya NPG ya derheqê şehadetê Dewrêşê Hemdemî Dilşêr Herekolî de wina ya.
Fermandar Dilşêrî xoverdêrîya tarîxî ya Şengale da destpêkerdene.
Verpersîyarê Hêzanêy ke Şengale xelesna, fermamdarê ma yo erjîyaye Dilşêr Herekol koyanê Amanosan, şarçeya Dortyola Hataye, di şerrê verva artêşa Îşgalkere de, 19’ê Citmenga 2020’ine de şehîd bi.
Kamîya Fermandar Dilşêr Herekolî wina ya;
Huseyîn Acar. Bi nameyo naskerde Dilşêr Herekol. Sêrte de daya xo ra bîyo. 19’ê Citmenga 2020’ine Amanosan de şehîd kewt.
HUSEYÎN ACAR
DILŞÊR HEREKOL
SÊRT-DIHÊ
BAY Û DAYE: EMÎNE-ABDULLAH
19’Ê CITMENGA 2020’AN/AMANOS
Di eşkerayîya Fermandarîya Qerargeha Navendî ya Hêzanê Pawitişê Şarî NPG, de bi awayêko verhîra, tekoşerî û şoreşgerîya Dilşêr Herekolî ame vindertiş û nêy amey vatiş.
wina dewam kena.
Fermandar Dilşêr Herekolî Amanosan ra heta Botane, Zape ra heta Qendîl û heta Koyanê Şengele gêrîllatî û fermandarîye kerde.
Di eşkerayî de xisûsî behsê fermandarîya Şehîd Dilşêr Herekolî ya seba pawitişê Êzîdîyan yê Koyê Şengale amey vatene.
Şehîd Dilşêr Herekol, fermandarê 12 siwarîyanê Dewrêşê Evdî bi û verîya fermanê 3’ê Tebaxa 2014’ine xo resna Şengale û xoverdêrîyêka tarîxî da destpêkerdene.
Rayhevalê ma Dilşêr Herekol hema ke cuwîyayê bi efsaneyêko zî Dewrêşê Hemdemî.
Di eşkerayîya Fermandarîya Qerargeha Navendî ya Pawitişê Şarî ame vatiş.
Bado ke Dilşêr Herekolî erk û gureyê xo yê Şengale pêk ard, pawitişê Şengale teslîmê YBŞ kerd û serra 2016’ine de agêra Heremanê Pawiteyan êy Medya.
Eşekerayî wina dewam kena.
Rayheval û fermandar Dilşêr Herekol tewir peynî derbasê Amanosan bi û zê endamê Feramandarîya Herema Amanosan wezîfa girote.
Dîlşêr Herekol fermandarêko zana, welatpawêr, şoreşger û fedayîyêko Apoyî bi.
Fermandar Dilşêr Herekol seba ma ninûneyêkê heqîqetî bi û do wina zî dewam bikero.
Seba ke ma rayhevalê kesêkê zê Dewrêşê Hemdemî Dilşêr Herekolî yê ma, xeylê serberz ê.
Di serre de Şarê Botane, Êzîdî û heme şaro Kurd çendêke bi Dilşêr Herekolî serberz bo û ey pîl bikero zî do reyna zî kemî bimano.
Heta ke Dewrê, Egîd û Dilşêrî est bê, do tekoşîna xoserî û azadîye ya şarê Kurdî tim dewam bikero.
Do adirê azadîye tu wextêke koyanê Kurdistanî de nêtefêyo.
Ze ke Rayver Apoyî mijdiyanîye dabî ” Êdî kam cayî ra yena wa bêro xem nîyo. Ya teqeze Kurdbîyiş û cuwîyeyo azad êdî ebedî yo”
