Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Cemîl Bayik mijaranê rojdeme sero qisey kerd 30.01.2021

 

Hemserokê Konseya Rayirbere ya KCK’yî Cemîl Bayik, tewrê Bernameyê Taybetî yê Tv ma bi û mijaranê rojdeme sero qisey kerd.

Cemîl Bayikî bi wesîleya nizdbîyişê komploya mîyanetewî, komplo şermezar kerde û vat mexsed di şexsê rayver Apoyî de tasfîyekerdişê
Têgêrayişê Azadîye û temamkerdişê planan qirkerdişî bi.

HEMSEROKÊ KONSEYA RAYIRBERE YA KCK’YÎ CEMÎL BAYIK
“BI KOMPLOYE WAŞT, PLANANÊ TASFÎYE Û QIRKERDIŞÎ TEMAM BIKERÊ”

Hemserokê Konseya Rayirbere ya KCK’yî Cemîl Bayikî, di serre de bi wesîleya nizdbîyişê serragêrayîye, komploya mîyanetewî û hêzanêy ke di komploye de ca girewtbi, şermezar kerîdîy.

Bayikî vat;

Mexsedê Komplo, di şexsê Rayver Apoyî de, tasfîyekerdişê hereketê azadîye û temamkerdişê sîyasetê qirkerdişî bi.

La di na plana xo de bi ser nêkewtîy.

Rayver Apoyî, hem seba Şarê Kurdî û hem zî seba merdimayîye, çîyêy pîlîy pêk ardîy.

Rayver Apo, tenê seba Şarê Kurdî nê seba heme merdimayîye bi omûd.

Reyna Rayver Apoyî, seba cînîyanê Kurdan û dinya, îdeolojîyê tekoşîne û birayvistinbîyişê cînîye, aver vist.

HEMSEROKÊ KONSEYA RAYIRBERE YA KCK’YÎ CEMÎL BAYIK
“ŞARO KURD, CÎNÎY Û HÊZÊ DEMOKRASÎWAZÎ DEYNDARÊ RAYVER APOYÎ YÊ”
Cemîl Bayikî vat;

Bi no sebeb, heme Şaro Kurd, mîlîtanêy PKK yî, kesêy ke dinya de sosyalîzm, edalet û demokrasî wazenê û xisûsî zî cînîy û ciwanîy, di na mijare de, gere xo deyndarê Rayver Apoyî bivînê û deynê xo bidê.

Seba naye ma vanê “Wext Wextê Azadîye yo”.

Azadîya fîzîkî ya Rayver Apoyî, tenê azadîya ey nê, azadîya heme şarê Kurdî û heme şaranê Rochelatê Mîyanênî ya.

HEMSEROKÊ KONSEYA RAYIRBERE YA KCK’YÎ CEMÎL BAYIK
“TEKOŞÎNA RAYVER APOYÎ SEBA PAWITIŞÊ ERJANÊ MERDIMAYÎYE YA”

Hemserokê Konseya Rayirbere ya KCK yî Cemîl Bayikî, vatiş ard kampanyayanê mîyannetewî êy seba Azadîya Rayver Apoyî ser û nêy vatîy.

Nika Îngilîstan, Efrîkaya Vaşûrî, Îspanîya û Îtalîya de kampanîyayayê Rayver Apoyî rê Azadî est ê.

Reyna Misir û Vaşûrê Kurdistanî de xeylê nûştox û roşinvîrîy di çarçoveya nêy kampanyayan de tekoşîne danê.

Na xebatêka muhîme û pîroz a.

Nêy dormey zî vînenê ke Rayver Apo seba merdimayîye tekoşîne dano û ro erjanê merdimayîye êy zê exlaq, wijdano civatî, demokrasî,
edalet,azadî û zêypêyîye wayir vecîyeno.

Êy zî bi wayirvecîyayişê ro Rayver Apoyî, di heman wextî de ro ameyîya xo wayir vecîyenê.

 

Hemserokê Konseya Rayirbere ya KCK yî Cemîl Bayirkî, di qiseykerdişê xo yê Televîzyonê ma de bale ante polîtîkayanê dewleta tirke û hemkarîya PDK ser.
Cemîl Bayikî vat; Gere PDK polîtîkayanê qirkerdişî yê dewleta tirke rê xizmet nêkero.

HEMSEROKÊ KONSEYA RAYIRBERE YA KCK’YÎ CEMÎL BAYIK
“GERE PDK XIZMETÊ SÎYASETÊ QIRKERDIŞÎ YÊ DEWLETA TIRKE NÊKERO”

Nika Şarê Kurdî sero polîtîkaya qirkerdişî yena domnayene.

No sîyaset tenê Vakûr de nê, heme perçeyan de yeno rayirberdene.

Bi sebebê felsefe û îdeolojîyê Rayver Apoyî, di nêy polîtîkayanê xo de bi ser nêkewtîy.

Rayver Apo, verva nêy polîtîkayan vindert.

Seba ke di nêy polîtîkayanê xo de bi ser nêkewtîy, pergala xo vûrna.

Pergala ewroyine ya dewleta tirke ya yewmerdimî, bi temamî seba tasfîyekerdişê Şar û Hereketê Azadîye êy Şarê Kurdî, amî sazkerdene.

HEMSEROKÊ KONSEYA RAYIRBERE YA KCK’YÎ CEMÎL BAYIK
“MEXSEDÊ PÊDÎYIŞANÊ BEXDA Û PDK ÊY AKARÎ, TESFÎYEKERDIŞÊ PKK’YÎ YO”

Cemîl Bayikî şîyişê Wezîrê Pawitişî yê Tirkîya yê Bexda û Hewlêre zî bi nêy sîyasetî ya gire da û wina dewam kerd.

Tekane mexsedê nêy zîyaret û pêdîyişan, tasfîyekerdişê PKK yî yo.

Dewleta Tirke û PDK, di çarçoveyê planêke de, nînan kenê û wazenê Îraqî zî daxilê nêy plananê xo, bikerê..

La seba ke menfîetêkê Îraqî di na plane de çîn yo û rewşêka kaose de yo, nêwazeno tewrê na plane bibo.

Bi no sebeb, wazenê bi gef û şantajan, Îraqî zî bîyarê rayire.

HEMSEROKÊ KONSEYA RAYIRBERE YA KCK’YÎ CEMÎL BAYIK
“PDK ÊDÎ BI AWAYÊKO EŞKERA HEMKARÎYA DEWLETA TIRKE KENA”

Cemîl Bayikî vat;

PDK na ra ver hemkarî û dişmentîya xo bi awayêko lûmite kerdê, la bi şîyişê Hûlûsî Akarî yê Hewlêre êdî çîyo ke bilûmnê nêmend û êdî bi awayêko eşkera kena.

Plana ke dewleta tirke wazena bi PDK reyde pêk bîyaro, tenê PKK yî nê, heme kurdan eleqeder kena.

Heke na plane bi ser bikewo, do heme kurdîy û Kurdistan zirarêko pîl bivînê.

Dewleta tirke zanena, heke bişiko derrbe ro PKK yî bido, çinêkerdişê hêzêy bînanî seba aye zaf rihet o.

HEMSEROKÊ KONSEYA RAYIRBERE YA KCK’YÎ CEMÎL BAYIK
“HEKE TEKOŞÎNA PKK’YÎ NÊBAYÊNE SE, DEWLETA TIRKE SILAM NÊDAYÊNE PDK”

Cemîl Bayikî vat;

PDK vana, PKK ma û statûya ma nas nêkana.

Na bi temamî zûr a. Heke ewro Vaşûrî de statûyêke est a se, na bi tekoşîna PKK yî ya.

PKK yî bi pratîkê xo, bi doran na raştîye, îspat kerda

Heke tekoşîna PKK yî nêbayêne se, dewlet tirke silam nêdê PDK.

Ewero hêza ke tewir zaf statûya Vaşûrî pawena PKK, ya ke statûye fînena talûke PDK ya.

PDK bi tirkîya reyde sîyasetê qetlîamî de ca gena û wezena peynîye ro heme destkewteyanê şarê Kurdî bîyaro.

HEMSEROKÊ KONSEYA RAYIRBERE YA KCK’YÎ CEMÎL BAYIK
“GERE PDK SOZ BIDO KE DO AJANTÎYA DEWLETA TIRKE NÊKERO”

Cemîl Bayikî di na mijare de vatişê xo wina bi peynî kerdîy.

Tu persgirayêka ma, bi statû û Peşmergeyan reyde çîn ya.

Ma wazenê bi Vaşûrî reyde, verva dişmenanê xo şerr bikerê.

Ez soz dana heme şarê Kurdî û şaranê dinya;

Ma hikumatê Vaşûrî zî, statûya Vaşûrî zî, Pêşmergeyî zî qebûl kenê.

Tenê, gere PDK soz bido ke, do êdî ajantîya dewleta tirke nêkero û nêbo aletê sîyasetê qirkerdişî, yê şarê Kurdî.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv